Unser Elternkomitee

Wir sind dabei, weil

..... unsere Kinder mit Begeisterung in der Pfadi sind,
..... wir uns für Anliegen in der Pfadi engagieren möchten,
..... wir die Leiter und Eltern mit Rat und Tat unterstützen möchten.

Wir treffen uns ca. 4 Mal pro Jahr, jeweils kurz vor der Sitzung mit dem Abteilungsrat, wo wir unsere Anregungen anbringen und auch bei Wahlen unsere Stimmen abgeben. Wir sind in engem Kontakt mit den Leitern und bieten unsere Unterstützung an, falls diese nötig ist. Wir helfen auch gerne an Anlässen wie Unterhaltungsabend und Dorffest.

Am besten stellen wir uns gleich selbst vor:

Sue Wheeler v/o Shina, Aktuarin

"Igfange" fürs EK hät mer mich am ene Fotizmorge vor öppe 16 Jahr, d'Pfadi erläb ich jetzt scho sit ziemlich gnau 24 Jahr. Höhene wie au Tüfene häts gäh, aber es isch immer toll gsi und mer händ viel schöns und wertvolls erläbt.
Bim Mitbetreue vom Jamboree in England im Summer 2000 bin ich au no uf min Pfadiname 'Shina' tauft worde. Bin scho e chli stolz druf.
Mini vier Chind sind alli vo Afang a i de Pfadi derbi gsi, wänn au hüt nur no min Jüngschte Migajo Leiter bi de 2. Stufe Pfader aktiv isch. Es macht immer no mega Spass, als Hobby isch no d'Administration vo eusere Homepage derzuecho.
E-Mail: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Jasmin Debernardi v/o Fröschli, Charge: Wölf

Ich bin i Spreitebach ufgwachse und ca. 10 Jahr lang i Pfadi gange. Vor 2 1/2 Jahr isch mini Tochter s'erschtmal zu de Biberli gange und es het ihre gfalle. Jetzt gaht d'Jana (6 J) zu de Wölfli und au min Sohn de Sven (3 J) stürmt die ganzi Zyt, dass er i Pfadi wot.
Ich bin scho emal am Höck gsi und gan au bald a e Üebig.
Ich möcht da si, sigs für AL, Leiter oder Eltere.
E-Mail: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Nicole Tanner-Duering v/o Pinsel - Beisitzerin und Vertreterin des APV

Ich bin sit 1987 i de Pfadi Riko Spreitebach, v/o Pinsel. Bis zum AL han ich scho alli Pöschte duregmacht. Natürlich händ verschiedeni Lager und Festkomitees nöd dörfe Fähle im mim Läbeslauf. Jetzt als 2-fachs Mami gnüss ich min wohlverdiente Pfadiruehestand. Wils aber doch chli langwilig worde isch, han ich mich derzue entschiede, im EK mis Wüsse zur Verfüegig z'stelle.
E-Mail: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Stefan Redondi - Charge Pfadis/Pfader

Peter Wyss - Beisitzer

Ich ha miner drüü Chind i de Pfadi. Sälber ha ig nie Pfadi gmacht, de vo da wo ig ufgwachse bi, gits das leider nid. Da mir Bruef Umwält u Natur P ädagoge, u mi eltisch Tochter Pfadileiteri isch, ha ig mig entschide is EK z’gah. Ig wöt damit alli Pfader begleite, u we si Problem u Hilf bruche da si. Freue mig u f die Ufgab u bi sicher, das ig ihne ou als nicht Pfader mit minere Naturerfahrig viel Wüsse  mitgäh cha.
E-Mail: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Hanspeter Stähli, Beisitzer
Ich han mittlerwili nur no eis "Chind" i de Pfadi: d' Stephanie v/o Sweetie, Abteilungsleiterin (AL)
E-Mail: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann.

Interesse, zu uns zu stossen? Bitte kontaktieren Sie jemanden von uns. Wir geben gerne Auskunft.